صاف پانی کا منصوبہ پی ٹی آئی کا عوام کے لئے انمول تحفہ ہے، سٹی میئر شاہد علی خان

(باخبر سوات ڈاٹ کام) سٹی میئربابوزئی(مینگورہ) شاہدعلی خان نے کہا ہے کہ مینگورہ کے لئے صاف پانی کی فراہمی کا منصوبہ پی ٹی آئی کی طرف سے عوام کے لئے انمول تحفہ ہے۔ ان شاء اللہ یہ میگاپراجیکٹ مکمل ہونے کے بعد اس سے لاکھوں لوگوں کو پینے کاصاف پانی میسر ہوگا۔ گریٹرواٹر پراجیکٹ کی تکمیل سے پینے کے پانی کے حوالے سے لوگوں کاسنگین مسئلہ حل ہوجائیگا۔ پاکستان تحریک انصاف کے اسی منصوبے کو پایہ تکمیل تک پہنچائیں گے۔ ان خیالات کااظہار انہوں مینگورہ گریوٹی منصوبہ کے لئے سامان کی فراہمی کے بعد معائنے کے دوران میڈیا سے بات چیت کرتے ہوئے کیا۔ انہوں نے پراجیکٹ کے لئے سامان کی فراہمی کو خوش آئند قراردیتے ہوئے کہا کہ جلد ہی اس منصوبے پر کام کاآغاز ہوگا۔