(باخبر سوات ڈاٹ کام)سوات میں ایک ہی دن تین خواتین کی خودکشی کی کوشش۔ ایک جاں بحق دو کی حالت غیر ہوگئی۔ بریکوٹ کے علاقہ ابوہا میں 13 سالہ مسماۃ (ش) نے نامعلوم وجوہات کی بنا پر پستول سے خود پر فائرنگ کی جس سے وہ موقع پر جاں بحق ہوگئی۔بریکوٹ ہی کے علاقہ ورسک میں 35سالہ زوجہ عمر گل نے گندم کی زہریلی گولیاں کھا کر خود کشی کی کوشش کی جس کو بے ہوشی کی حالت میں بریکوٹ ہسپتال منتقل کیا گیا۔بریکوٹ ہی کے محلہ ملا خیل میں 30 سالہ زوجہ ایوب نے گھریلو ناچاقی کی بنا پر گندم میں رکھنے والی زہریلی گولیاں کھا کر خود کشی کی کوشش کی جس کو بھی بے ہوشی کی حالت میں بریکوٹ ہسپتال منتقل کردیا گیا۔
Swat