(باخبر سوات ڈاٹ کام)کمشنر ملاکنڈ ڈویژن امجد علی خان نے ریجنل پولیس آفیسر ملاکنڈ عرفان اللہ خان کے ہمراہ ملاکنڈ ڈویژن کے اضلاع میں ماہِ دسمبر پولیو مہم کی تیاریوں کا جائزہ لینے کے بارے میں اجلاس صدارت کی۔ اجلاس میں تمام ڈپٹی کمشنرز اور ڈسٹرکٹ ہیلتھ آفیسرز نے بذریعہ وڈیو لنک شرکت کی۔ ڈاکٹر خواجہ عرفان کوآرڈی نیٹر پولیو ملاکنڈ ڈویژن نے تیاریوں کے بارے میں تفصیلی بریفنگ دی۔ اجلاس میں پولیومہم کے لیے لاجسٹک، ٹیموں کی تشکیل اور سیکورٹی انتظامات کا جائزہ لیاگیا۔ کمشنر ملاکنڈ نے تمام ضلعی انتظامیہ کو پولیو ٹیموں کو بھرپور تعاون فراہم کرنے کیساتھ ساتھ تمام بچوں کو قطرے پلانے اور اس عمل کی کڑی نگرانی کو یقینی بنانے کی ہدایت کی۔ کمشنر ملاکنڈ کا کہنا تھا کہ پولیو وائرس کا خاتمہ سب کا قومی فریضہ ہے۔ پولیو وائرس کے مکمل خاتمے میں پولیو ٹیموں اور والدین کا کردار انتہائی اہم ہونا چاہیے۔
کمشنر ملاکنڈ ڈویژن کی صدارت میں پولیو مہم بارے اجلاس
