(باخبر سوات ڈاٹ کام)سوات کے علاقہ چالیار کے مدرسہ میں بارہ سالہ فرحان کے قتل کے مرکزی ملزم قاری عمر کو پیر کے روز جسمانی ریمانڈ کے لئے علاقہ مجسٹریٹ کی عدالت میں سخت سیکورٹی میں پیش کیا گیا، جہاں پولیس نے دس روزہ جسمانی ریمانڈ کی درخواست کی۔ مجسٹریٹ نے ملزم کا سہ روزہ جسمانی ریمانڈ منظور کرتے ہوئے پولیس کے حوالے کردیا۔ پولیس سٹیشن سے عدالت تک سیکورٹی کے غیر معمولی انتظامات کئے گئے تھے۔ گذشتہ روز سوات پولیس نے قاری عمر اور ان کے بیٹے کی گرفتاری کا دعویٰ کیا تھا۔ ذرائع کا کہنا ہے کہ قاری عمر نے بیٹے سمیت چکدرہ پولیس سٹیشن جاکر از خود گرفتاری دی تھی۔
چالیار مدرسہ سانحہ، مرکزی ملزم سخت سیکورٹی میں عدالت لایا گیا
