(باخبر سوات ڈاٹ کام) ڈپٹی کمشنر سوات سلیم جان مروت سے ”قومی تڑون جرگہ تحصیل بابوزئی” کے وفد اور مینگورہ بازار کے مختلف انجمنوں کے صدور نے ڈپٹی کمشنر آفس کے کانفرنس روم میں ملاقات کی۔ ملاقات میں حالیہ سیلاب سے متاثرہ کاروباری طبقے کے نقصانات اور ریلیف اقدامات پر تفصیلی تبادلہ خیال کیا گیا۔ وفد نے ڈپٹی کمشنر سوات کے سامنے اپنے مسائل اور مشکلات تفصیل کے ساتھ پیش کیں اور متاثرہ کاروباروں کی بحالی کے لیے انتظامیہ کی توجہ مبذول کرائی۔ ڈپٹی کمشنر سوات سلیم جان مروت نے وفد سے خطاب کرتے ہوئے کہا کہ ضلعی انتظامیہ سوات نے سیلاب متاثرین کی بحالی کے لیے ہر ممکن اقدام کیے ہیں، جن میں ریلیف، چیکس کی تقسیم اور امدادی اشیا کی فراہمی شامل ہے۔ انہوں نے وفد کو یقین دلایا کہ صوبائی حکومت خیبر پختونخوا کی پالیسی کے مطابق متاثرہ طبقے کو ریلیف فراہم کرنے کا سلسلہ جاری رہے گا۔
قومی تڑون جرگہ کے وفد کا ڈپٹی کمشنر سوات سے ملاقات
