(باخبر سوات ڈاٹ کام)یونیورسٹی آف ایگریکلچر سوات میں “این ایف سی شیئر اور خیبر پختونخوا کو درپیش چیلنجز” کے موضوع پر یک روزہ آگاہی سیمینار منعقد ہوا۔ وائس چانسلر پروفیسر ڈاکٹر داؤد جان، فیکلٹی ممبران اور طلبہ نے شرکت کی۔ ارشد خان، سیکرٹری خیبرپختونخوا حکومت نے موضوع پر اپنے خطاب میں کہا کہ این ایف سی ایوارڈ، خیبر پختونخوا کے تاریخی اور موجودہ حصے اور ضم شدہ اضلاع کی محرومیوں پر روشنی ڈالی۔ انہوں نے انضمام کے بعد سامنے آنے والے ترقیاتی و انتظامی چیلنجز، مالیاتی مسائل، فنڈنگ کی کمی اور خدمات کی فراہمی میں درپیش مشکلات کو تفصیل سے بیان کیا۔ انہوں نے زور دیا کہ خیبر پختونخوا کے جائز حصے کی فراہمی نہ ہونے سے صوبے کو شدید مشکلات کا سامنا ہے اور اس کے حل کے لیے مسلسل جدوجہد جاری ہے ۔
Swat