سوات (بیورو رپورٹ) تھانہ چارباغ کی حدود میں واقع علاقہ سید آباد میں باپ نے فائرنگ کرکے بیٹے کو قتل کردیا۔ مقتول محمد رحیم عرف تور کی والدہ نے رپورٹ کرتے ہوئے پولیس کو بتایا کہ ان کا شوہر گھر سے کام کے لئے نکلا تو ان کے والد اور بھائی نے ملزم کو کہا کہ تمہارے بیٹے کی وجہ سے ان کے بچے کا رشتہ طے نہیں ہورہا، جس پر میرے شوہر نے پستول سے ہمارے بیٹے پر فائرنگ کی اور فرار ہوگیا۔ نتیجے میں وہ موقع پر جاں بحق ہوگیا۔ پولیس نے رپورٹ درج کردیا اور تفتیش شروع کردی۔
چارباغ، باپ کی فائرنگ سے بیٹا قتل
