سوات (باخبرسوات ڈاٹ کام) مدین کے رہائشی طلعت محمود نے پولیس پر الزام لگایا ہے کہ پولیس نے بااثر شخصیات کے کہنے پر اس کے خلاف بے بنیاد مقدمات درج کرائے ہیں۔ مدین میں پریس کانفرنس سے خطاب کرتے ہوئے انہوں نے کہا کہ تھانہ مدین کے ایس ایچ او نے ڈی ایس پی کے حکم پر مجھ پر تحریک انصاف کی ایک ریلی سے اے این پی کے دفتر پر فائرنگ کا بے بنیاد مقدمہ درج کرلیا۔ حالانکہ اس فائرنگ سے میرا کوئی تعلق نہیں اور نہ میں اس ریلی میں شریک تھا۔ بعد ازاں انہی افراد کے ایما پر ڈی ایس پی نے مجھ پرتشدد کیا۔ انہوں نے آر پی او ملاکنڈ اور آئی جی پی سے اس بارے میں تحقیقات اور ذمہ دار افراد کو سزا دینے کا مطالبہ کیا۔
Swat