سوات (باخبر سوات ڈاٹ کام ) سوات کی برف پوش وادیِ ملم جبہ میں اسنو فیسٹول سہولیات نہ ہونے کی وجہ سے بد نظمی کا شکار ہوگیا۔ فیسٹول کے لئے آنے والے سیاح واپس چلے گئے جس کی وجہ سے فیسٹول پر خرچ ہونے والا لاکھوں روپیہ ضائع ہوگیا۔ ملم جبہ میں ضلعی حکومت کے بھاری فنڈ سے منعقدہ سہ روزہ اسنو فیسٹول اور برفیلے مقابلوں کے میلہ میں سہولیات نہ ہونے اور افرا تفری کی وجہ سے ملک بھر سے آنے والے سیاح فیسٹول کو چھوڑ کر واپس چلے گئے۔ملم جبہ آنے والے بیشتر سیاح سڑک کی انتہائی خراب صورتحال کی وجہ سے راستے سے ہی واپس چلے گئے جس کی وجہ سے فیسٹول ناکامی کا شکار ہوگیا۔ یوں حکومت کی بھاری رقم ضائع ہوگئی۔
ملم جبہ سنو فیسٹول سہولیات نہ ہونے کی وجہ سے بد نظمی کا شکار
