آل سوات ہیلتھ کوآرڈی نیشن کا اپنے مطالبات کے حق میں مظاہرہ

سوات (باخبر سوات ڈاٹ کام ) آل سوات ہیلتھ کوآرڈی نیشن کی طرف سے غیر قانونی چھاپوں، فارمیسی بی اور سی کو قانونی درجہ دینے اور سروس سٹرکچر دینے کے حق میں احتجاجی مظاہرہ کیا۔ اس موقع پر صوبائی صدر خواجہ عبدالقیوم، ملاکنڈ ڈویژن کے صدر سر بلند خان، خورشید احمد، ڈاکٹر خالد محمود، فضل سبحان، ایاز خان، ایاز حسین، بہار علی، میاں گل علیم خان اور دیگر نے کہا کہ ہم احتجاج میں حق بجانب ہیں جبکہ ہم کو الیفایڈ ہیں۔ ایچ آر اے اور ایچ سی سی کے حکام ہمیں بلا جواز تنگ کرکے ہمارے کلینکوں پر چھاپے مار رہے ہیں جس کی ہم مذمت کرتے ہیں۔ انہوں نے کہا کہ ہم کوالیفائیڈ ہیں۔ حکومت ہمیں روز گار دے۔ پھر کلینکوں کو بند کرے۔ انہوں نے کہا کہ آج ہم ملاکنڈ ڈویژن کی سطح پر احتجاج کررہے ہیں جبکہ ہم نے 30 اپریل کی ڈیڈ لائن دی ہے۔ یکم مئی کو ہم صوبہ، ڈویژن اور اضلاع میں احتجاج کریں گے۔ 16اپریل کو پشاور اسمبلی کے سامنے دھرنا دیا جائے گا ۔