(باخبر سوات ڈاٹ کام)ریجنل پولیس آفیسر ملاکنڈ ڈویژن ناصر محمود ستی نے کہاہے کہ گذشتہ شورش کے دوران ملاکنڈ ڈویژن میں 310 پولیس اہلکار شہید اور455زخمی ہوئے۔ اس طرح سوات میں 130 اہلکار شہید اور 230 زخمی ہوئے۔ ہمیں اپنے شہدا پر فخر ہے، جن کے خون کی وجہ سے آج علاقہ میں امن قائم ہے۔ سوات پولیس ٹریننگ سکول میں یوم شہدا کی تقریب سے اپنے خطاب میں انہوں نے کہا آئی جی پولیس نے شہدا پولیس کے اہل خانہ کے لئے خصوصی ویلفیئر فنڈ جاری کیا ہے جس کی بدولت اب شہدا کے لواحقین کو 60 سال تک پوری پنشن اور اس کے بعد بھی جہیز اور میڈیکل کی مد میں ان کو فنڈ دیا جائے گا۔ تقریب سے ڈسٹرکٹ پولیس آفیسر شفیع اللہ گنڈا پور نے بھی خطاب کیا۔ اس موقع پر شہدائے پولیس کو خراج عقیدت اور زخمیوں کو خراج تحسین پیش کیا گیا۔
Swat