تجاوزات کے خلاف بلا امتیاز آپریشن جاری رہے گا، اے سی کبل

مینگورہ (باخبر سوات ڈاٹ کام) اسسٹنٹ کمشنر کبل اسرار احمد نے کہا ہے کہ تحصیل کبل میں تجاوزات کے خلاف بلا امتیاز آپریشن جاری رہے گا۔ بغیر پارکنگ والے زیر تعمیر پلازوں اور مارکیٹوں کے خلاف قانونی کارروائی کی جائے گی۔ انہوں نے کہا کہ قبرستانوں کی حدود میں تعمیرات کرنے والوں کے خلاف بھی سخت ایکشن لیا جائے گا اور کبل میں تجاوزات کو کسی صورت برداشت نہیں کیا جائے گا۔