آل سوات موبائل فون ایسو سی ایشن کا پی ٹی اے کے خلاف مظاہرہ

سوات(باخبر سوات ڈاٹ کام ) آل سوات موبائل فون ایسو سی ایشن نے پی ٹی اے کے خلاف احتجاجی مظاہرہ کیا۔ مظاہرین گرین چوک سے ہوتے ہوئے سوات پریس کلب پہنچ گئے۔ مظاہرین نے پلے کارڈ ز اور بینرز اٹھا رکھے تھے جس پر پی ٹی اے کے خلاف مختلف نعرے درج تھے۔ مظاہرے سے خطاب کرتے ہوئے ڈویژنل صدر طاہر خان نے کہا کہ پی ٹی اے نے موبائل فون پر ٹیکس سمیت ایپرول اور ٹیگ لگانے کا فیصلہ کیا ہے، جو ہمیں کسی صورت قبول نہیں ہے اور نہ ہی ہم پر زبردستی مسلط کیا جاسکتا ہے۔ انہوں نے کہا کہ ملک گیر احتجاج جاری ہے۔ اگر ہم پر فیصلہ مسلط کیا گیا، تو سڑکوں پر بیٹھ کر احتجاجی تحریک شروع کریں گے ۔