ناظم تحصیل بابوزئی نے عیدکے لیے خصوصی پلان ترتیب دے دیا

سوات (باخبر سوات ڈاٹ کام)  ناظم تحصیل بابوزئی(مینگورہ) اکرام خان نے عید کے لیے خصوصی پلان ترتیب دیتے ہوئے سنیٹری ملازمین اورصفائی عملہ کی چھٹیاں منسوخ کردیں۔ ان کوہدایت کی گئی ہے کہ عید کے دنوں ڈیوٹی سرانجام دیں۔ اس طرح تمام ٹیوب ویلوں کو چالورکھاجائے گا، جہاں ٹیوب ویل آپریٹرز ڈیوٹی سرانجام دیں گے۔ اس کے علاوہ عید کے دنوں میں جنرل بس سٹینڈ پربھی ٹی ایم اے ملازمین ڈیوٹی دیں گے اورسنیٹری ملازمین بھی ڈیوٹی پرحاضر ہوں گے۔ انہوں نے بتایا کہ صفائی کاعملہ گلی کوچوں اوراردگردکے ماحول کوصاف ستھرارکھنے پر معمورہوگا۔ عید کے دنوں ان ملازمین کو ڈیوٹی پرحاضر ہونے کی ہدایت کی گئی ہے۔