سوات (باخبر سوات ڈاٹ کام) سوات ٹریڈرزفیڈریشن کے صدر عبدالرحیم نے بجلی بلوں میں ایف پی اے(فیول پرائس ایڈجسٹمنٹ) کے ذریعے صارفین سے پیسوں کی وصولی پرشدید احتجاج کرتے ہوئے ڈی سی سوات سے فوری مداخلت کامطالبہ کردیا۔ اپنے ایک بیان میں انہوں نے کہا کہ ہماری بجلی پٹرول سے نہیں بلکہ پانی سے پیداکردہ ہے، لیکن بجلی کے بلوں میں فیول پرائس ایڈجسمنٹ (FPA) کے ذریعے صارفین سے پیسے وصول کئے جاتے ہیں، جو سراسر زیادتی وناانصافی ہے۔ انہوں نے کہا کہ واپڈا کی طرف سے اگریہ ظالمانہ اقدام بند نہ کیاگیا،توہم ایک اجلاس بلاکراس میں بجلی بلوں کی ادائیگی بندکردیں گے۔
Swat