نوجوان طلبہ سوات کا مستقبل ہیں، میجر جنرل محمد اعجاز مرزا

(باخبر سوات ڈاٹ کام) پاک فوج ملاکنڈ ڈویژن کے جی او سی میجر جنرل محمد اعجاز مرزا کی ہدایت پر یونیورسٹی آف سوات اور افضل خان لالہ کالج کے طلبہ و طالبات نے ملاکنڈ فورٹ کا دورہ کیا۔ طلبہ و طالبات کو ملاکنڈفورٹ کے مختلف حصوں کا دورہ کرایا گیا۔ ا س مو قع پرجی او سی نے کہا کہ نوجوان خصوصاً طلبہ سوات کا مستقبل ہیں۔ ملک اور معاشرے کی ترقی کا انحصار انہی پرہے۔انھوں نے وفد کو ملاکنڈ ڈویژن میں جاری استحکام ِ امن کی کوششوں سے آگاہ کیا اور کہا کہ ماحولیات کا تحفظ اور سیاحت کی ترقی سوات کے معاشی مستقبل کے لیے اشد ضروری ہیں جس میں طلبہ کا کردار ایک کلیدی حیثیت رکھتا ہے۔