محکمہ سوئی گیس کا عملہ صارفین کیلئے زحمت بن گیا، شہریار امیرزیب

سوات(بیورورپورٹ) پیپلز پارٹی کے رہنماشہزادہ میانگل شہریار امیر زیب نے کہا ہے کہ محکمہ سوئی گیس کا عملہ صارفین کیلئے رحمت کی بجائے زحمت بن چکا ہے۔ بغیر اطلاع دیے گھروں سے سوئی گیس کے پُرانے میٹر اُتار کر نئے میٹر لگا ئے جا تے ہیں۔ انہوں نے کہا کہ میٹر اُتار نے کے بارے میں صارفین کو پہلے آگاہ نہیں کیا جا تا حالانکہ یہ صارفین کا بنیادی حق ہے کیونکہ انہوں نے محکمہ کوسوئی گیس میٹر کی با قاعدہ ادائیگی کر دی ہے اور میٹر ان صارفین کی ملکیت ہے۔بغیر اطلاع دیئے کس طرح صارفین کے گیس میٹر اُتار ے جا سکتے ہیں؟انہوں نے کہا کہ میٹر بھی ایسے اوقات میں تبدیلی کیئے جا تے ہیں جب لوگ کا م کاج یا ملازمتوں کیلئے چلے جا تے ہیں۔