ایم پی اے فضل حکیم کا واسا کی کارکردگی کا جائزہ لینے کے لیے مختلف علاقوں کا دورہ

(باخبرسوات ڈاٹ کام) ڈیڈک چیئرمین ایم پی اے فضل حکیم نے ڈبلیو ایس ایس سی سوات کی صفائی کی کارکردگی کا جائزہ لینے کے لیے اچانک مختلف علاقوں کا دورہ کیا۔ انہوں نے لنڈی کس، مکان باغ، چینہ، بنگلہ دیش اور مختلف علاقوں میں صفائی کا جائزہ لیا۔ اس موقع پر انہوں نے علاقے میں ڈبلیو ایس ایس سی سوات کے اہلکاروں کوخود دیکھا۔ ان کے کام کاجائزہ لیا اور ہدایات جاری کیں۔ انہوں نے کام کرنے والے ڈبلیو ایس ایس کے اہلکاروں کی حوصلہ افزائی کی۔ ان کے کام کو سراہا۔ اس موقع پر ڈیڈیک چیئرمین فضل حکیم نے علاقہ مکینوں سے بھی صفائی کے بارے میں معلومات لیں۔ زیادہ تر لوگوں نے صفائی کے حوالے سے اطمینان کا اظہار کیا۔ اس موقع پرا نہوں کہا کہ ڈبلیو ایس ایس سی سوات کے اہلکار صفائی کا کام بخوبی سرانجام دے رہے ہیں۔