(باخبر سوات ڈاٹ کام) وفاقی اور صوبائی حکومتیں فوری طور پر سستے آٹا کی فراہمی یقینی بنائیں اور مصنوعی بحران پیدا کرنے والے ناجائز منافع خوروں اور ان کے سرپرستوں کے خلاف قانونی کارروائی کریں۔ پختونخوا ملی عوامی پارٹی کے مرکزی سیکرٹری اطلاعات طالع مند خان نے اپنے جاری کردہ بیان میں کہا ہے کہ پختونخوا ملی عوامی پارٹی سستی خوراک تک آسان رسائی ہر انسان کا بنیادی حق سمجھتی ہے۔ اس کی فراہمی کو یقینی بنانا حکومتی وقت کی اولین ذمہ داری ہے۔ اس ضمن میں کوئی بھی پہلو تہی انسانی حقوق اور آئین کی پامالی کے مترادف ہے۔ انہوں نے مزید کہا کہ حکومت فوری طور پر آٹے کے موجودہ بحران پر پارلیمنٹ میں بحث کرے، تاکہ عوام کو اس کے بارے میں حقائق کا پتا چل سکے کہ آیا یہ قلت قدرتی ہے یا مصنوعی طور پر پیدا کی گئی ہے۔
Swat