ڈی پی اُو دفتر کے قریب سے نامعلوم افراد کے ہاتھوں نوجوان اِغوا

(باخبر سوات ڈاٹ کام) ڈسٹرکٹ پولیس آفیسر سوات کے دفتر کے قریب سے نامعلوم مسلح افراد نے نوجوان کو اِغوا کرلیا۔ مینگورہ بازار سے بھی مسلح افراد نے ایک لڑکے کو اِغوا کرلیا۔ سی سی ٹی وی فوٹیج میں دیکھا جاسکتا ہے کہ دو گاڑیوں میں سوار مسلح افراد ڈی پی اُو دفتر واقع گل کدہ میں داخل ہوکر مین روڈ پر دکان میں بیٹھے ایک نوجوان ابراہیم ولد فیض الحق کا منہ ڈھانپ کر اس کو گاڑی میں بٹھا کر ڈی پی او کے دفتر کے سامنے سے گزرتے ہوئے اِغوا کر لیتے ہیں۔ مینگورہ کے کتیڑہ بازار میں ایک درزی کی دکان میں کام کرنے والے بلال خان ولد عنایت اللہ کو بھی نامعلوم مسلح افراد نے اِغوا کرلیا۔ سیدو شریف اور مینگورہ پولیس دونوں واقعات سے لاعلمی کا اظہار کر رہی ہے۔