سوات،قومی و صوبائی اسمبلی کی نشستوں پر کا غذاتِ نامزدگی جمع کرانے کا سلسلہ جاری

(باخبر سوات ڈاٹ کام) سوات میں بھی قومی اسمبلی کی3 اور صوبائی اسمبلی کی8 نشستوں پر کا غذاتِ نامزدگی جمع کرانے کا سلسلہ جاری ہے۔ این اے 2 سوات کے لئے مسلم لیگ کے صوبائی صدر انجینئر امیر مقام، اے این پی کے ایوب خان اشاڑی اور پی ٹی آئی کے اقبال خان فتح پورنے کاغذاتِ نامزدگی جمع کرائے۔ پی کے 6 مینگورہ کے لئے جماعتِ اسلامی کے سابق ایم پی اے محمد امین، ن لیگ کی جانب سے ارشاد علی، عبدالرحیم، سید صادق عزیز اور عمران خان، اے این پی سے عاصم خان اور پی ٹی آئی پارلمنٹیرین سے افتخار باچا نے کاغذاتِ نامزدگی جمع کرائے۔