کرونا وائرس بارے مرکزی وصوبائی حکومت کے اقدامات تسلی بخش نہیں، نونو

(باخبر سوات ڈاٹ کام)پاکستان مسلم لیگ ن کے صوبائی ڈپٹی جنرل سیکرٹری فضل رحمان نونو نے کہاہے کہ کرونا کے حوالے سے مرکزی اورصوبائی حکومت کے اقدامات تسلی بخش نہیں،نہ اس سلسلے میں مرکزاور صوبے کی کوئی واضح پالیسی ہی موجود ہے جس کے سبب قوم پریشانی میں مبتلا ہے۔ ایک بیان میں انہوں نے کہاکہ اب تک حکومت نے ڈاکٹروں اور پیرامیڈیکس کو ضروری سامان تک مہیا نہیں کیا، جو اس وقت ہسپتالوں میں مریضوں کی خدمت میں مصروف اور کرونا سے برسرپیکار ہیں۔ انہوں نے کہاکہ دوسری جانب احساس پروگرام سے لاتعدادمستحق لوگوں کو باہر رکھا گیا اور مختلف حیلوں بہانوں سے انہیں ٹر خایا جا رہاہے۔