(باخبر سوات ڈاٹ کام) وزیر اعلیٰ محمود خان کا دورہئ سوات زبانی جمع خرچ کے سوا کچھ بھی نہیں تھا۔ دریائے سوات کو سیلابی صورتحال سے بچانے کیلئے کراچی جیسے بڑے پیکیج کی ضرورت ہے۔ دریائے سوات کے دونوں اطراف مضبوط پشتے بناکر دریا کو محفوظ اور سیاحت کے مواقع پیدا کئے جا سکتے ہیں۔ حکومت کے پاس سوات کے مسائل کے حل کیلئے کوئی وژن اور مؤثر منصوبہ بندی نہیں۔ وزیر اعلیٰ کی کارکردگی صرف اپنی حلقے تک محدود ہے۔ ان خیالا ت کا اظہار امیر جماعت اسلامی سوات محمد امین نے جماعت اسلامی سوات کے ضلعی دفتر سے اخباری بیان جاری کرتے ہوئے کیا۔ انہوں نے کہا کہ سوات میں جنگلا ت کو بے دردی سے کاٹا جا رہا ہے جس سے دریا کے کنارے غریب لوگوں کی مشکلات میں روز بروز اضافہ ہورہاہے۔
Swat