سوات، منشیات سے چھٹکارا دلانے والے ادارہ میں سپورٹس ویک کا آغاز

(باخبر سوات ڈاٹ کام) نوجوانوں کو منشیات کی عادت سے نجات دلانے والے ادارہ”نوے جوند“ میں داخل افراد کے لئے سپورٹس ہفتہ کا آغاز کردیا گیا۔ ادارے کے سربراہ ریاض احمد حیران کے مطابق منشیات کے عادی یہ افراد جو اَب عام شہری بننے جارہے ہیں، اس ہفتہ کھیلوں کے مختلف مقابلوں میں حصہ لے کر یہ ثابت کریں گے کہ وہ منشیات کی عادت سے چھٹکارا حاصل کرچکے ہیں اور جلد ہی ”نوے جوند“ سے گھر جاکر نئی زندگی کا آغاز کریں گے۔