(باخبر سوات ڈاٹ کام) مینگورہ میں حلال فوڈ اتھارٹی کی ٹیم نے کارروائی کرکے ہزاروں کی تعداد میں جعلی مشروبات پکڑ لئے۔ حلال فوڈ اتھارٹی کے ذرائع کے مطابق کارروائی خفیہ اطلاع ملنے پر کی گئی، جہاں اسسٹنٹ ڈائریکٹر غلام عباس نے فوڈ سیفٹی آفیسرز نواب علی اور حنیف رحیم کے ہمراہ مینگورہ شہر کے مختلف بازاروں میں دکانوں پر اچانک چھاپے مارے، جہاں پر موجود ہزاروں کی تعداد میں اعلیٰ کوالٹی برانڈ کے نام پر جعلی مشروبات کو برآمد کرلیا گیا جنہیں بعدازاں تلف کردیا گیا،اس دوران متعدددکانداروں کو بھاری جرمانہ کردیا گیا۔
Swat