(باخبر سوات ڈاٹ کام) ضلعی دفتر پبلک پراسیکوٹر سوات میں سعید نعیم خان ڈسٹرکٹ پبلک پراسیکوٹر کے زیرِ انتظام پورے ضلع میں تعینات پراسیکوٹرز افسران کا ماہانہ اجلاس ہوا، جس میں نثار عالم خان سینئر پبلک پراسیکوٹر، رفیع اللہ ڈپٹی پبلک پراسیکوٹر اور اسسٹنٹ پبلک پراسیکوٹرز نے شرکت کی۔ ڈی پی پی سوات نے پراسیکوٹرز کی کارکردگی پر اظہارِ اطمینان کرتے ہوئے ان کی کاوشوں کو سراہا۔ ڈی پی پی سوات نے اس امر پر زور دیا کہ کریمنل فائلز کی جانچ پڑتال باریک بینی سے کریں۔ صرف مضبوط شہادت کے مقدمات ہی عدالت کو بھجوائیں۔ اس کے لئے ضروری ہے کہ ایف آئی آر درج ہونے کے بعد پراسیکوٹر افسران تفتیش کی سپروِژن کریں۔
Swat