سوات کے میدانی علاقوں میں بھی درجہئ حرارت نقطہئ انجماد سے گرگیا

(باخبر سوات ڈاٹ کام) مینگورہ سمیت سوات کے میدانی علاقوں میں کم سے کم درجہئ حرارت نقطہئ انجماد سے گرنے کے بعد سردی کی شدت میں مزید اضافہ ہوگیا ہے۔ بالائی علاقے شدید ترین سردی کی لپیٹ میں ہیں۔ سردی کی شدت میں اضافے کے بعد موسمی بیماریوں میں بھی اضافہ ہوگیا ہے۔ ہسپتالوں میں کھانسی، گلے اور دیگر موسمی بیماریوں کے مریضوں میں اضافہ ہوگیا ہے۔ ڈاکٹروں کا کہنا ہے کہ ان دنوں میں دھول اور کورونا سے بچنے کے لئے ماسک کا استعمال ضرور کریں۔