(باخبرسوات ڈاٹ کام)سوات ٹریڈرز فیڈریشن نے ملاکنڈ ڈویژن میں بازاروں کو ہفتہ اوراتوار کی بجائے جمعہ اور ہفتہ کو لاک ڈاؤن کے تحت بند رکھنے کا مطالبہ کر دیا۔ حکومت اپنے فیصلے پر نظرِ ثانی کرتے ہوئے ملاکنڈ ڈویژن میں جمعہ اور ہفتہ کو کاروباری مراکز بند رکھنے کا اعلان کرے۔ تاجروں نے کورونا وبا میں پہلے بھی حکومت کے ساتھ تعاون کیا ہے اور اب بھی حالات کو مد نظر رکھتے ہوئے قیمتی انسانی جانوں کے بچاؤ اور تحفظ کے لیے حکومت سے بھر پور تعاون کریں گے۔ ملک کے دیگر حصوں میں اتوار کے دن عام تعطیل ہوتی ہے مگر ملاکنڈ ڈویژن کے تاجر جمعہ کے روز اپنے کاروباری مراکز بند رکھتے ہیں۔ اس لئے حکومت اور انتظامیہ ملاکنڈ ڈویژن میں جمعہ اور ہفتہ کو لاک ڈاؤن کا اعلان کرے۔
Swat