(باخبر سوات ڈاٹ کام)سانحہئ کالام میں جاں بحق 5 اورزخمی14افراد کی ایف آئی آر تھانہ کالام میں درج کردی گئی۔ دو روز قبل وادیِ کالام میں کالام اور اتروڑ کے لوگوں کے درمیان زمین کے تنازعہ پر لڑائی کے دوران اُتروڑ قوم کے چار اور کالام قوم کا ایک شخص جاں بحق اور دونوں قوموں کے 14افراد زخمی ہوئے تھے۔ ایس ایچ او کالام اقبال نسیم کی مدعیت میں نامعلوم افراد کے خلاف قتل اور اقدامِ قتل کی دفعات کے تحت ایف آئی آر درج کرکے تفتیش شروع کردی گئی۔ علاقہ سے آمدہ اطلاعات کے مطابق جرگہ کے اعلان کے بعد علاقہ میں فائر بندی پر عمل جاری ہے۔ لویہ جرگہ کی جانب سے دونوں اقوام کے ساتھ جرگہ جاری ہے۔
Swat