(باخبر سوات ڈاٹ کام)جماعت اسلامی پاکستان کے 80 سال مکمل ہونے پر مینگورہ میں تاسیس کے حوالے سے ایک پر وقار تقریب کا انعقاد کیا گیا۔ پروگرام میں جماعت اسلامی مینگورہ شہر کے ارکان و کارکنان نے کثیر تعداد میں شرکت کی۔ پروگرام سے سابق ایم پی اور امیر مینگورہ شہر محمد امین نے خطاب کرتے ہوئے کہا کہ 80 سال پہلے آج کے دن جو بیچ بویا گیا تھا، آج وہ ایک تن آور درخت کی صورت اختیار کرگیا ہے۔ جماعت اسلامی پاکستان کے قیام کا بنیادی مقصد زندگی کے نظام کو بنیادی طور پر بدل دینا ہے۔ پچھلے 80 سالوں سے جماعت اسلامی پاکستان کے ارکان و کارکنان اور منتخب نمائندوں پر کوئی کرپشن کا داغ نہیں۔
Swat