(باخبر سوات ڈاٹ کام)ڈپٹی کمشنر سوات نے سوات کے تمام نجی سکولوں کے بچوں کو لے جانے والی گاڑیوں کے معائنے کا حکم دے دیا۔ باخبر سوات ڈاٹ کام سے بات چیت کرتے ہوئے جنید خان نے کہا کہ اس سلسلے میں ریجنل ٹرانسپورٹ اتھارٹی، موٹر وہیکل، ٹریفک پولیس اور نجی سکولوں کے یونین کے نمائندوں پر مشتمل کمیٹی تشکیل دی جارہی ہے، جو تمام سکول گاڑیوں کا معائنہ کرے گی اور جو گاڑیاں ٹھیک ہوں گی۔ ان کو فٹنس سرٹیفکیٹ جاری کئے جائیں گے۔ اس کے علاوہ تمام گاڑیوں پر پابندی ہوگی۔ انہوں نے کہا کہ سکول گاڑیوں میں چھتوں پر بچوں کو بٹھانے والے ڈرائیوروں کے خلاف موقع پر ایف آئی آر کاٹی جائے گی۔
Swat