(باخبر سوات ڈاٹ کام)ملک کے باقی حصوں کی طرح سوات میں بھی پٹرولیم ایسوسی ایشن نے مکمل ہڑتال شروع کی۔ ہڑتال کے پہلے روز سوات کے تین سو کے قریب پٹرول اور ڈیزل پمپ بند رہے۔ گذشتہ روز ہڑتال سے پہلے ان پمپوں پر گاڑیوں کا غیر معمولی رش رہا اور لوگوں نے ہڑتال سے پہلے گاڑیوں میں تیل ڈلوایا۔پٹرولیم ایسوسی ایشن کی ہڑتال کی وجہ سے سوات میں سیاحوں کی آمد کا سلسلہ بند ہوگیا۔ سوات کے اکثر ہوٹلوں میں لوگوں نے ایڈوانس کمرے بک کئے تھے، لیکن پٹرولیم ایسوسی ایشن کی ہڑتال کی وجہ سے سیاحوں نے کمروں کی بکنگ منسوخ کردی۔ جمعرات کو سوات کی سڑکوں اور پُر فضا مقامات پر سیاح نہ ہونے کے برابر تھے۔
Swat