(باخبر سوات ڈاٹ کام)تختہ بند زراعت ریسرچ سنٹر کے ملازمین کااحتجاجی مظاہرہ ہوا۔ ملازمین نے نجکاری کے خلاف نعرہ بازی کی۔ مظاہرین سے خطاب کرتے ہوئے مقررین جن میں آل سوات کلرک ایسوسی ایشن کے صدرعلی رحمان صوبائی نائب صدرمحکمہ زراعت کے پی، نائب صدر ایپکا الطاف حسین، ڈائریکٹر ڈاکٹرنعیم، ذبیح اللہ، ناصرالدین، بخت بلند، جاویدعلی، گل محمدخان، پارساترجمان جاوید رحمان اور روشن علی نے مظاہرین سے خطاب کرتے ہوئے واضح طور پر کہا کہ حکومت نے زراعت کے ریسرچ سنٹرمیں نجکاری کافیصلہ کرکے پُرامن ماحول کو خراب کرنے اورملازمین کو ہراساں کرنے کی پالیسی شروع کررکھی ہے۔ انہوں نے کہا کہ حکومت نے سوات زراعت ریسرچ سنٹرکی نجکاری کافیصلہ نیک نیتی میں نہیں کیا۔انہوں نے کہا کہ ریسرچ سنٹرکی نجکاری کی وجہ سے سیکڑوں ملازمین کوہراساں کیاجارہاہے۔ مقررین نے کہا کہ ہم بھرپور احتجاجوں کے ذریعے حکومت کو خبردارکرتے ہیں کہ ہم کسی صورت زراعت ریسرچ سنٹرکی نجکاری نہیں ہونے دیں گے۔
Swat