اہلِ سوات عید کی چھٹیوں میں سیاحوں کی سہولت کا خیال رکھیں، الحاج زاہد خان

(باخبر سوات ڈاٹ کام)سوات ہوٹلز ایسوسی ایشن کے صدر الحاج زاہد خان نے سوات کے لوگوں سے اپیل کی ہے کہ وہ عید کی چھٹیوں کے دوران مرغزار، ملم جبہ، گبین جبہ، میاندم، مدین، بحرین اور کالام نہ جائیں تاکہ ان علاقوں میں سیاح جا سکیں اور سڑکیں بند نہ ہوں۔ اپنے ایک بیان میں انہوں نے کہا کہ عید کی چھٹیوں میں اپنے قریبی علاقوں مثال کے طور کبل تحصیل والے ٹال دردیال، مانئی شلہنڈ کی سیاحتی علاقوں کی طرف جائیں اور مٹہ کے علاقے والے بہا سلا تنڑ جاروگو آبشار کی طرف، تحصیل بری کوٹ کڑاکڑ کی طرف، مینگورہ بابوزئی کے لوگ سنگر کی طرف تفریح کے لیے جائیں اور ملم جبہ، میاندم، بحرین، کالام اور گبین جبہ باہر سے آنے والوں کے لیے چھوڑ دیں، تاکہ رش اور ٹریفک جام کی زحمت سے بچا جا سکے۔