سوات کے مختلف علاقوں میں بجلی معطل رہنے کا شیڈول جاری

(باخبر سوات ڈاٹ کام)بجلی کی ترسیل کے ترقیاتی کاموں کی وجہ سے سوات سرکل کے مختلف گرڈ سٹیشنز سے 18 سے 31 مئی کے درمیان مختلف تاریخوں میں بجلی کی فراہمی معطل رہے گی۔ پیسکو کی جانب سے جاری کردہ تفصیلات کے مطابق ترقیاتی کاموں کی وجہ سے 132 کے وی ڈگر بونیر، جی ایس ایس ڈگر بونیر، جی ایس ایس درگئی، 213 کے وی جی ایس ایس بٹخیلہ اور 213 کے وی جی ایس ایس چکدرہ سے بجلی کی فراہمی صبح نو بجے سے دوپہر تین بجے تک بند رہے گی۔