میڈیکل ٹیکنیشن کی غلطی، ننھی کلی مرجھا گئی

سوات  (باخبرسوات ڈاٹ کام)   مینگورہ کے نواحی علاقہ رحیم آباد میں میڈیکل ٹیکنیشن کے نجی کلینک میں غلط انجکشن لگانے سے چھ سالہ بچہ جاں بحق ہوا ۔ حارث کو قے دست کی تکلیف تھی جس کے باعث والدین اس کو قریبی امجد علی کے کلینک میں لے گئے جہاں امجد علی نامی ٹیکنیشن نے بچے کو انجکشن لگا یا۔ انجکشن سے بچے کی حالت غیر ہوگئی۔ والدین بچے کو طبی امداد کے لیے سیدو شریف ہسپتال لے گئے، لیکن وہ راستے میں ہی چل بسا۔ تھانہ رحیم آباد نے ملزم ٹیکنیشن کے خلاف رپورٹ درج کرکے تحقیقات شروع کردیں ۔