ایم پی اے فضل حکیم کے سیکورٹی گارڈ اور موٹرسائیکل سوار کے مابین ہاتھاپائی، لیویز اہلکار زخمی

سوات   (باخبر سوات ڈاٹ کام)   مینگورہ میں قمبر بائی پاس چوک میں ایم پی اے فضل حکیم کے سیکورٹی گارڈ اور موٹرسائیکل سوار کے مابین ہاتھاپائی، لیویز اہلکار زخمی ہوگیا جبکہ موٹرسائیکل سوار بھی زخمی ہوکر اسپتال منتقل کردیا گیا۔ پولیس نے دونوں کے خلاف ابتدائی رپورٹ درج کرلی۔ پولیس رپورٹ کے مطابق ایم پی اے فضل حکیم کے گارڈ ز کی گاڑی میں سوار گارڈز اور موٹرسائیکل سوارکے مابین ہارن بجانے پر تکرار ہوئی۔ لیویز اہلکار احسان اللہ کے مطابق موٹرسائیکل سوار منصورخان سکنہ قمبر نے بدزبانی کی اور بعد ازاں حملہ آور ہوا، جس سے وہ زخمی ہوگیا۔ جب کہ موٹرسائیکل سوار نے الزام عائد کیا ہے کہ لیویز اہلکار نے ساتھی سمیت اس پر حملہ کرکے زخمی کیا ہے جس پر پولیس نے موٹرسائیکل سوار کے خلاف ایف آئی آر درج کرلی ہے۔لیویز اہلکار کے خلاف ابتدائی روزنامچہ رپورٹ درج کرکے تفتیش شروع کردی گئی ہے۔