سوات کا رہائشی ایک اور شخص سعودی ریاض میں کورونا سے جاں بحق

سوات  (باخبر سوات ڈاٹ کام)    سعودی عرب کے دارالخلافہ ریاض کے علاقہ من فوہا میں سوات سے تعلق رکھنے والا ایک اور شخص کورونا وائرس سے انتقال کرگیا۔ 45سالہ سردار ساکن کوکڑئی سیدو شریف ایک عرصہ سے محنت مزدوری کے لئے سعودی عرب میں مقیم تھا۔ جس رہائش گاہ ”دیرہ“ میں وہ مقیم تھا کے دیگر ساتھیوں کے مطابق ان میں کورونا کے علامات ظاہر ہونے کے بعد ان کو ہسپتال پہنچایا گیا، جہاں عملہ نے ان کو واپس بھیج کر کہا کہ بیڈ خالی ہونے پر ہم خود لینے آئیں گے۔ اس کے بعد وہ گذشتہ روز انتقال کرگیا۔ ساتھیوں کے مطابق دیرہ کے باقی ساتھیوں کو بھی تیز بخار اور خشک کھانسی ہے، لیکن ہسپتال میں جگہ نہ ہونے کی وجہ سے وہ بغیر علاج اور سماجی فاصلہ دیرہ میں موجود ہیں۔