مٹہ کوز لالکو، آگ لگنے سے تین گاڑیاں جل گئیں

سوات  (باخبر سوات ڈاٹ کام)  تحصیل مٹہ کے علاقہ کوز لالکو میں آگ لگنے سے تین گاڑیاں جل گئیں۔ پولیس کے مطابق شیر زادہ کی آرا مشین میں مقامی لوگ رات کو گاڑیاں کھڑی کرتے تھے۔ گذشتہ رات نامعلوم وجوہات کی بنا پر وہاں آگ لگی جس کے نتیجے میں مشین میں کھڑی دو موٹر کاریں اور ایک جیپ مکمل طور پر جل گیا۔ پولیس نے رپورٹ درج کرکے اس بات کی تفتیش شروع کردی کہ آگ شارٹ سرکٹ سے لگی ہے، یا پھر کسی نے شرارتاً لگائی ہے۔