(باخبر سوات ڈاٹ کام)بحرین کے پہاڑی علاقہ بڈئی، سیرئی کے 6 بانڈہ جات میں 95 مکانات کو آگ لگانے والے ملزمان کے خلاف ایف آئی آر میں انسدادِ دہشت گردی کی دفعات کو بھی شامل کردیا گیا۔ ڈی پی او سوات محمد قاسم خان کے دفتر سے جاری کردہ بیان کے مطابق 17 میں سے تین ملزمان گرفتار ہیں۔ 11 ملزمان نے قبل از گرفتای ضمانت عدالت سے حاصل کی ہے اور تین روپوش ہیں۔ ملزمان کے خلاف دفعہ 436,427,147,149 کے تحت مقدمہ درج کیا گیا تھا، لیکن جھونپڑیوں کو جلانے اور خوف و ہراس پیدا کرنے پر ایف آئی آر میں ملزمان کے خلاف انسدادِ دہشت گردی کی دفعہ 7ATA کو بھی شامل کردیا گیا ہے۔
Swat