(باخبر سوات ڈاٹ کام) خیبر پختونخوا ہیلتھ کیئر کمیشن کے اہلکاروں نے مینگورہ سیدوشریف میں موجود 13 نجی صحت مراکز کا اچانک معائنہ کیا۔ معائنہ کے دوران غیر متعلقہ اور نان کوالیفائیڈ شخص شاہ حسین کو پیتھالوجی ٹسٹ میں مصروف پایا گیا، جس پر پختونخوا ہیلتھ کیئر کمیشن کی ٹیم نے فوری کارروائی کرتے ہوئے رحمان کلینکل لیبارٹری کو بند کرکے سر بمہر کر دیا۔معائینے کے دوران فیصل کلینکل لیبارٹری اور ایکسرے، شفا سنٹرل کلینکل لیبارٹری، شاہ میڈیکل سنیٹر اور دیگر کو رجسٹریشن اور تجدید رجسٹریشن کے لیے نوٹس جاری کیے۔انہیں COVID-19 کے ایس او پیز پر سختی سے عمل کرنے کی ہدایات دیں۔ ہیلتھ کیئر کمیشن ٹیم آمد کی اطلاع ملتے ہی متعدد عطائی اپنے مراکز بند کرکے رفو چکر ہوگئے۔
Swat