(باخبر سوات ڈاٹ کام)اکوڑہ خٹک سے تعلق رکھنے والا20سالہ محنت کش خواہ زخیلہ میں دریائے سوات میں نہاتے ہوئے ڈوب کر جاں بحق ہوگیا۔ ریسکیو ترجمان کے مطابق اطلاع ملتے ہی ریسکیو کے غوطہ خوروں نے بلال کی لاش ننگولئی کے مقام پر دریا سے نکال دی۔ بلال سوات میں محنت مزدوری کے لئے آیا تھا۔ جمعرات کو بھی دو افراد دریا ئے سوات میں ڈوب کر جاں بحق ہوئے تھے۔جن میں فرمان علی کی لاش کی تلاش جاری ہے۔ گذشتہ روزدریائے سوات سے ملنے والی لاش کی شناخت ہوگئی۔ڈوب کر جاں بحق ہونے والے بارہ سالہ بچے کی شناخت واحد اللہ ساکن درشخیلہ کے نام سے ہوئی۔ جس کی لاش ورثا کے حوالے کردی گئی۔
Swat