سوات، سیاحوں کی آمد کا سلسلہ جاری، کالام کے ہوٹل بھر گئے

(باخبر سوات ڈاٹ کام)سوات میں ہفتہ کو بھی سیاحوں کی آمد کا سلسلہ جاری رہا۔ سوات کے تمام سیاحتی مقامات سیاحوں سے بھرے پڑے ہیں۔ کالام میں سرکاری بجلی نہیں ہے۔ وہاں ”ایس آر ایس پی“ نامی تنظیم نے ٹربائن (پانی) سے بجلی بنائی ہے، جس کی وجہ سے کالام میں لوڈ شیڈنگ نہیں ہوتی اور بجلی بھی سستی ہے۔کالام میں شام ہوتے ہی قمقمے روشن ہوجاتے ہیں۔ سیاح بازار میں گھومتے ہیں جس سے رات گئے تک کالام میں رونق ہوتی ہے۔