سیلاب سے متاثرہ افراد کے نقصان کا ازالہ کیا جائے، سنیٹر مشتاق احمد

(باخبر سوات ڈاٹ کام)جماعت اسلامی کے صوبائی امیر سنیٹر مشتاق احمد خان نے کہا ہے کہ جماعت اسلامی نے دین کی خدمت اور تبلیغ کے ساتھ ہروقت ظلم کے خلاف آواز اٹھائی اور ہر ظالم کے سامنے کلمہ حق کہا ہے۔ کبل میں جماعت کے یوم تاسیس کے موقع پر اجتماع سے خطاب کرتے ہوئے انہوں نے کہا کہ جماعت اسلامی کا ہر رکن اور کارکن دین کی خدمت کے ساتھ ہر آفت میں بے سہارا افراد کے ساتھ کھڑا رہا۔ ہر مصیبت میں لوگوں کی مدد کی اور کرتے رہیں گے۔ انہوں نے حکومت سے مطالبہ کیا کہ صوبے میں سیلاب سے متاثرہ افراد کی مدد اور نقصانات کا فوری ازالہ کیا جائے۔ اجتماع سے ضلعی امیر محمد امین نے بھی خطاب کیا۔