ٹائیگرز کی بازاروں میں مداخلت، انتشار پھیلنے کا خدشہ ہے، محمد امین

(باخبر سوات ڈاٹ کام) امیر جماعت اسلامی ضلع سوات محمد امین نے کہا ہے کہ حکومت غیر جمہوری قوتوں کی بے ساکھیوں کے سہارے مزید نہیں چل سکتی۔ کمر توڑ اور ہلاکت خیز مہنگائی نے عوام کا جینا محال کردیا ہے۔ادویہ اور اشیائے خورو نوش کی قیمتیں آسمان کو چھو رہی ہیں۔ حکومت کا کنٹرول کہیں پر بھی نظر نہیں آرہا۔پی ٹی آئی ٹائیگرز کی بازاروں میں مداخلت کی وجہ سے مزید انتشار پھیلنے کا خدشہ ہے۔جماعت اسلامی حکومت کے خلاف مؤ ثر تحریک شروع کر رہی ہے۔ کارکنان ابھی سے تیاری شروع کریں۔ان خیالات کا اظہار انہوں نے تحصیل کبل میں دیولئی، سرسینئی، کبل، کانجو اور برہ بانڈئی میں مختلف اجتماعات سے خطاب کرتے ہوئے کیا۔ اس موقع پر جنرل سیکرٹری جماعت اسلامی سوات مفتی شیر محمد اور امیر جماعت اسلامی تحصیل کبل حاجی رحمت علی بھی موجو د تھے۔