(باخبر سوات ڈاٹ کام) ہائر ایجوکیشن کمیشن اسلام آباد نے یونیورسٹی آف سوات کے ایم فل اور پی ایچ ڈی پروگرام کو اعلیٰ تعلیمی پالیسی کے مطابق تسلی بخش قرار دے دیا۔ اس سلسلے میں ہائر ایحوکیشن کمیشن اسلام آباد کی ایک خصوصی ٹیم نے یونیورسٹی کا دورہ کیا۔ دورے کا مقصد یونیورسٹی کے پیش کردہ ایم فل اور پی ایچ ڈی کے پروگرام کے لیے دستیاب سہولتوں، لیبارٹریز، فیکلٹی اور دوسرے امور کا جائزہ لیا گیا۔ سہ روزہ دورے کے موقع پر ٹیم نے وائس چانسلر ڈاکٹر محمد جمال خان سمیت انتظامی اور شعبہ جاتی سربراہان سے بھی ملاقات کی۔ وائس چانسلر ڈاکٹر محمد جمال خان نے ایچ ای سی کی ٹیم کی تجاویز اور آرا کا خیر مقدم کیا اور کہا کہ مستقبل میں ان پروگرامز کو مزید ترقی دی جائے گی۔
Swat