(باخبر سوات ڈاٹ کام) مینگورہ کے محلہ ملوک آباد میں فوتگی والے مکان کی چھت گرنے سے 26افراد زخمی ہوگئے۔ فضل نامی شخص کے کچے گھر میں فوتگی ہوئی تھی۔ خواتین چھت پر موجود تھیں کہ اس دوران وزن زیادہ ہونے سے چھت گرگئی، جس کے نتیجے میں 15خواتین اور گیارہ بچے ملبے تلے دب کر زخمی ہوگئے۔ ریسکیو ترجمان کے مطابق ان کے اہلکاروں نے امدادی کارروائی کرتے ہوئے تمام زخمیوں کو ملبے سے نکال کر ہسپتال منتقل کردیا۔
Swat