بحرین میں تجاوزات کے خلاف بڑے پیمانے پر کارروائی کا فیصلہ

(باخبر سوات ڈاٹ کام)سوات کی تحصیل بحرین میں تجاوزات کے خلاف بڑے پیمانے پر آپریشن کا فیصلہ کرلیا گیا۔اس سلسلے میں اسسٹنٹ کمیشنر بحرین ہدایت اللہ خان کی زیرِ صدارت اہم اجلاس منعقد ہوا جس میں ایس ڈی پی او بحرین شیرحسین،ٹی ایم او بحرین قیصر خان، ایس ایچ او بحرین اسلام الحق اور این ایچ اے کے رحمت اللہ نے شرکت کی۔ اجلاس میں فیصلہ کیا گیا کہ مین روڑ کو ساٹھ فٹ تک کشادہ کیا جائے گا۔اجلاس کو بتایاگیاکہ سب ڈویژن بحرین سیاحتی زون ہے۔ مقامی لوگوں نے تجاوزات بناکر بازاروں پر قبضہ جمالیا ہے،جس سے ٹریفک کی روانی متاثر ہورہی ہے۔