(سوات ڈاٹ کام) مینگورہ شہر کے گلشن چوک میں نامعلوم افراد نے سبزی فروش پر تیزاب پھینک دیا۔ پولیس کے مطابق مردان کا 44 سالہ رہائشی بختیار علی ولد غریب خان مینگورہ میں ریڑھی لگا کر سبزی فروخت کرتا تھا۔ رات کو ایک گودام کرایہ پر لے کر وہاں سوتا تھا۔ گذشتہ روز گودام جاتے ہوئے ان پر کسی نے تیزاب پھینکا جس سے اس کے بدن کے مختلف حصے بری طرح جھلس گئے۔ اس کو طبی امداد کے لئے سیدو شریف ہسپتال منتقل کردیا گیا، جہاں سے تشویشناک حالت میں پشاور کے برن سینٹر منتقل کیا گیا۔ پولیس نے نامعلوم ملزمان کے خلاف مقدمہ درج کرکے تفتیش شروع کردی۔
Swat