اوڈیگرام، شادی شدہ خاتون نے خودکشی کرلی

(باخبر سوات ڈاٹ کام)سوات کے علاقے اوڈیگرام میں شادی شدہ خاتون نے زہریلی دوا کھا کر خودکشی کرلی۔ ایس ایچ او تھانہ رحیم آباد مجیب عالم خان کے مطابق واقعہ نواحی علاقے اوڈیگرام میں پیش آیا، جہاں شادی شدہ خاتون مسماۃ (ز) زوجہ فضل سبحان نے مبینہ طور پر زہریلی دواکھا لی جس کے نتیجے میں وہ چل بسی۔ پولیس نے لاش کو پوسٹ مارٹم کے لئے اسپتال منتقل کردیا۔ خودکشی کی وجہ گھریلو ناچاقی بتائی جاتی ہے، تاہم پولیس نے ابتدائی رپورٹ درج کرکے انکوائری شروع کردی ہے۔